我剛剛有了BB呀, 請問各位有經驗的媽媽, 我現在要點做呀?有了bb要注意些什麼呀?我很開心但又好緊張同擔心, 請各位媽媽教路. 多謝

你決定你會去政府醫院定私家醫院到生呢？

去政府醫院生的話，首先要去普通診所驗孕，醫生就會幫你寫封轉介信去你想生bb果間醫院到。之後你就拿著那封信去醫院登記。你記住要先打電話到醫院產科部問問，因為佢地有指定時間收新証。另外，護士會同你約期做第一次詳細產檢，之後亦會定期做產檢。

去私家醫院的話，就搵個你想他替你接生的婦產科醫生做檢查，然後約期同你接生，你要留意佢是不是在你想生的私家醫院掛單。

你要食多些有營養的食物，要吸收多些鈣質，可以飲鮮奶。另外，唔好食煎炸熱氣同生冷寒涼食物，魚生雪糕果啲就千其唔好。

大肚婆好容易病，尤其是天氣冷，一定要著足夠的衫。

請問政府醫院邊間好?是不是不可以選的呢?

是分區的，你要有住址証明先得。