我算餵人奶，但我驚到時剛剛生完未有奶，請問如果到未有奶，是不是要餵奶粉?

我唔建議你餵奶粉，因為BB在出世前己儲備了數天需要，就算最初那幾天你沒有奶也完全不是問題。另外，你愈不讓BB埋身，你就愈遲先有奶

係呀! 餵人奶係越早開始,成功機會會越高. 咁樣可以避免bb有乳頭混淆,與及自己又吾會突然谷奶.最緊要係,當妳響醫院都吾爭取時間餵奶的話,返到屋企,想搵個有知識及有經驗既人黎問就好難架喇!

同時,想睇多d有關餵人奶既資料,可以上呢度 (www.breastfeeding.org.hk),佢地幾乎個個都可以成功咁餵人奶架! 聽多d 有成功經驗既媽咪的意見啦.

我都係過來人,知道餵人奶咩好?幾乎人人識講幾個原因.但係過程係會遇到或多或少的困難(其實個個身為新手爸媽的,都會遇到一大堆問題的呀!),只要有心理預備,實戰時就會無咁驚喇!

記住,想成功餵奶,要聽既係"成功媽咪"的意見啊!